განვითარების სკრინინგ ტესტი

ბავშვის განვითარების შეფასება მხოლოდ პრობლემის ძებნა არ არის – ეს არის შესაძლებლობა, დროულად დავინახოთ მისი ძლიერი მხარეები, საჭიროებები და ხელი შევუწყოთ მათ განვითარებას.

მრჩეველის პედიატრიულ და ფსიქოლოგიურ სამსახურში შესაძლებელია 1-დან 6 წლამდე ასაკის ბავშვის განვითარების შეფასება ET 6-6-R სკრინინგ ტესტით. ეს არის გერმანული სტანდარტიზებული ტესტი, რომელიც ადაპტირებულია ქართული პოპულაციისთვის და აფასებს ბავშვის განვითარების ძირითად მიმართულებებს, მათ შორის:

• ნატიფ მოტორულ უნარებს (ხელისა და მაჯის მოძრაობები)
• უხეშ მოტორულ უნარებს (სხეულის მოძრაობები)
• კოგნიტიურ უნარებს (დასწავლა და შემეცნება)
• სოციალურ-ემოციურ უნარებს
• ასაკის შესაბამის ენისა და მეტყველების განვითარებას.

შეფასების შედეგებთან ერთად მიიღებთ ინდივიდუალურ რეკომენდაციებსა და რჩევებს განმავითარებელი თამაშებისა და სათამაშოების შესახებ, რაც ბავშვის შესაძლებლობებისა და განვითარების მხარდაჭერაში დაგეხმარებათ.